دايما بتسأل نفسك ازاي الهكر بيسرق حسابك وانت متعرفش حاجة وبتكون مقتنع ان الضعف هنا من الفيس بوك نفسه او اي حساب سوشيال ميديا بتستخدمه تعالي نقسم الموضوع المهم دا لجزئين
1
ازاي بيتم سرقة حسابك
2
حماية بياناتك من الاحتيال الالكتروني
نتكلم ف اول نقطة ازاى ممكن سرقة حسابنا
في اكتر من طريقة ممكن من خلالها الاحتيال علي حساباتنا الشخصية وبياناتنا بشكل عام
اولا الصفحات الوهمية او بالمصطلح العام الصفحات المزورة وبيكون المصطلح العام ليها بين وسط مهندسين امن المعلومات وهو ال (phishing attack)
دا مثال للي بيحصل للوهله الاولي هتعتقد ان دا الفيس بوك وهتسجل لان دا شكل الفيس بوك في كل
تفاصيله بس لازم ناخد بالنا من كذا نقطة قبل ما تسجل في اي موقع او اي لينك بيطلب منك انك تسجل بحساب سوشيال ميديا
اولا نشوف اللينك هل هو الخاص بالفيس بوك ولا لاء زي ما موجود ف الصورة دا احتيال صريح وفي منه اشكال تانيه زي لو طلعلك انك تسجل ف تطبيق لعبة موجود علي الفيس بوك
ايه الي ممكن يحصل تاني غير الاحتيال ده
انه المحتال مش لازم يكون شخص غريب او بعيد عنك ممكن يتمثل في الاشخاص الى تعرفهم وواثق فيهم وبتخليهم يفتحو الفون بتاعك عادي سهل جدا يسرقو حساباتك عن طريق ال (reset password)
استرجاع كلمة المرور وقتها يقدرو يغيرو الكلمات السريه الخاصة بحساباتك او اضافة ايميل اخر ف حسابك يقدر من خلالة يسرق حسابك او يعرف كل شئ بيحصل عندك
تاالت شئ انك تستخدم شبكات واي فاي مفتوحة للكل بياناتك بتبقي غير مشفرة وسهل جدا يتم استخراج حسابك وكلمات مرورك ودا هنشرحه بالتفصيل في مقال تاني ان شاء الله
وفي طرق تانيه بس تكنكال اكتر هنتكلم عليها بالتفصيل قدام
بعد ما عرفنا ازاي ممكن الاحتيال علي حساباتنا عاوزين نعرف ازاي نأمن نفسنا لاقصي درجه بحيث اننا لا نصبح من ضمن ضحايا المحتالين
اولا لازم يكون كلمات المرور صعبه جدا وعشان نتخطي نقطة ان ممكن شخص يخمن علي الباسورد الخاص بيك حاول بقدر الامكان تخليه مكون من ارقام وحروف وعلامات مميزة مثل ال $%@^&*) بحيث يصعب التخمين عليها او تستخدم مولد كلمات مرور تلقائية مثل https://1password.com/
او غيره من الموقع الموثقه
ثانيا اننا نفعل المصادقه الثنائية او ما يعرف ب(2 factor authentication)
ثالثا تشغيل التنبيهات لاي عملية دخول غير مصرح بيها علي حسابتنا
رابعا عدم الدخول علي شبكات لاسلكيه مفتوحه
خامسا عدم السماح لاي شخص بفتح فونك الخاص واخفاء محتوي الرسائل من لوحة الشاشه الرائيسيه للفون الخاص بك
وفي اخر المقال نتمني لكم دوام الصحه والعافيه والدعاء لوالدي بالرحمه والمغفره
محمود أمين
